Federasyonê Yewîyanê Elewîyan grevê vêşanîye zîyaret kerd

Endamanê Federasyonê Yewîyanê Elewîyan ê Fransa, vizêr Strasbourg de xoverdayoxê grevê vêşanîye zîyaret kerdî.

Bajarê Strasbourgî yê Fransa de grevê vêşanîye kewt roja xo ya 36ine.Vizêr zî xeylî sazî, rêxistinê bawerî û sîyasetmedaran  çalakwanî zîyaret kerdî. Îdarekarê Federasyonê Yewîyanê Elewîyan û mensubê bawerîya Elewîyan ra xeylî kesî ameyî zîyaret û bi nameyê înan, Hemserekê Federasyonê Yewîyanê Elewîyan ê Fransa Hakan Akçayî qiseykerdişêk kerd.

Akçayî va ma paştdarîye danîme çalakîye û wina qisey kerd: “Ez her xoverdayoxê grevê vêşanîye silam kena. No vindertişêko bêemsal o. Hem Elewîyî hem zî Kurdî tarîx de tim rastê asîmîlasyon, qirkerdiş û înkarî ameyê. Ma Elewî û Kurdî xoverdayîşê xo domnenîme. Na babete de çi wezîfe keweno ma ser, ma do bîyarê ca û pîya hereket bikerê. Ma Leyla Guvene ya ke bi grevê vêşanîye rayîr akerdo silam kenîme û wazenîme wa talebê xoverdayoxan bêrê ca.”

Bi nameyê xoverdayoxanê grevê vêşanîye zî hemserekê KCDK-Eyî Yuksel Koçî seba zîyaretî înan rê spas kerd û wina va: “No mucadele tena seba Kurdan nîyo, seba pêroyê şaran û bawerîyan o. Tecrîd her het û her kesî rê yeno kerdene û, ganî  her kes vera faşîzmê Erdoganî, demokrasîye bipawê.” STRASBOURG

Dikarî Biecibînî