Cinîyê ke ameyî tepiştene serbest ameyî veradayene

Cinîyê ke seba paştîdayîşê Leyla Guvene şîyî vernîya Zîndanê Tîpa Eyî yê Amedî û raştê hêrişê polîsan ameybî badê îfadedayîşî serbest ameyî veradayene.

Cinîyê ke seba paştîdayîşê Parlementera Partîya Demokratîke ya Şaran (HDP) û Hemsereka Kongreya Komela Demokratîke (KCD) Leyla Guvena ke 75 rojî yo seba wedartişê tecrîdê serê Rayberê Şarê Kurdî Abdullah Ocalanî grevê vêşanîye de ya, şîbî vernîya Zîndanê Amedî raştê hêrişê polîsan ameybî. Piştîdayîş bi serkêşîya Platformê Cinîyan yê Amedî yê Dicle (DAKAP) ra ame organîzekerdiş û cinîyî vernîya Zîndanê Tîpa Eyî yê Amedî de arê bibî.

Hemsereka Komala Cinîyan Roza Adelet Kaya, vervatoxa dewrî ya Platformê Cinîyan a  Dîcle Amedî  Bahar Karakaş Ulu hetê polîsan ra erd ra ameybî kaşkerdene û darbkerdene. Polîsan parlamentere Tosune rê nêngan çînayîbî û darb kerdbî.

Netîceyê hêrişan de Hemsereka Sendîkaya Kedkaranê Xizmetê Sosyal û Weşîye (SES) ya Şûbeyê Amed Gonul Adibelli, Gulistan Ekte, Narin Gezgorî Bahar Karataş Ulug, Ceylan Aslane, Rozerin Çatake û Adalet Kaya zî mîyan de 10 cinîyî badê îfadedayîşî saetê şewe de serbest ameyî veradayene. AMED