Hepsîya ke muayeneya bi kelemçe qebul nêkerde ameye derbkerdene

Ame dîyarkerdene ke hepsîya bi nameyê Leyla Akyildiza ke Zindanê Cinîyan ya Bakirkoyî de manena  nêweşxane de muayeneya bi kelemçe qebul nêkerda û ameya derbkerdene.

Ame dîyarkerdene ke hepsîya bi nameyê Leyla Akyildiza ke Zindanê Cinîyan ya Bakirkoyî de manena nêweşxane de ameya derbkerdene. Dayîka Leylaye Sîmanperî Akyildize daye zanayene ke kênaya aye dejê diran vera şîya nêweşxane, labelê seba ke muayeneya bi kelemçe qebul nêkerda ameya derbkerdene.

Sîmanperî Akyildize qiseykerdişê xo de wina va: “Kênaya mi hewteyêk mi û hewteyêk zî embaza xo gêrena. Hewteyo verên embaza xo gêraya û vata ke ê berdî nêweşxane. Kênaya mi muayeneya bi kelemçe qebul nêwaşta. Dima ra 3 personelê zindanî hêrişê kênaya mi kerdî û aye derb kerdî. ma şîyî pêvînayîş. Milê Leylaye sîya bîyî.  Revîrê zindanî seba sîyayeyê bedenê aye rapor dayo û avûkatî zî dayî dozgerî. Dewlete çiqas hêrişê ma bikera zî, ma nêtersenî. Ma do fek têkoşînê xo ra vera nêdî.”

Avûkat Mehmet Erbîlî zî ard ziwan ke ê muracatê dozgerî dayî û va: “Revîrê zindanî rapor dayo. Ma zindan ra zî rapor waşt, labelê ê nêdayî.”

Derheqê hedîse de zindan ame gêrayîş, labelê her çiqas ke wextê mesaî bibo zî kesê ke cewab dayî telefon vatî ke kesê wezîfedar tîya nîyî. STENBOL