Çewlîg de hezar û 958 weçînitoxo xeyalî estî

Parlamenterê HDPyî yê Çewlîgî Erdal Aydemîrî derheqê 1958 weçînitoxanê xeyalîyan ê Çewlîgî de peşnîyara perse daye Parlamento.

Aydemîrî va Erdal Aydemîrî Erdal AydemîrîErdal Aydemîrî û qezayanê ey de 1859, nahyeya Senceqî de zî 99 weçînitoxê xeyalîyî estê û no derheq de seba ke  Wezîrê Karanê Zereyî Suleyman Soylu û Hetkarê Serekkomarî Fuat Oktay cewab bikero, peşnîyara perse daye Parlamento.

Aydemîrî pêşnîyara perse de wina va: “Goreyê lîsteyanê weçînitoxan ê ke hetê Heyetê Weçînitişê Berzî ra ameyî îlankerdene, Qezaya Kanîreşe de 41 keyeyan de 994 weçînitoxê xeyalîyî ameyî tespîtkerdene. Reyna nahyeya Senceqî de 99 weçînitoxê xeyalîyî ameyê tespîtkerdene. Goreyê tespîtanê peyênan: Merkezê Çewlîgî de yew xana de 243 weçînitox, Azarpêrt de yew xana de 126 weçînitox, Dara Hene de yew xana de 42, Gêxî de yew xana de 224,Xorxol de yew xana de 112, yew keyeyo bîn de 73, Çêrme de yew xana de 45 weçînitoxê xeyalîyî ameyê tespîtkerdene. Na çarçîweye de; do şima vera na bêûsulîyê tehqîqatêk bikerê? ÇEWLÎG