Seba ke rayê AKPyî nêvejîyenî xizmet nêdîyeno

Seba ke dewa elewîyan Tugutî ra rayê AKPyî nêvejîyenî 15 serrî yo ke xizmet nîno dayîş.

Dewa Çigdemlî girêdayeyê qezaya Dîvrîxî ya Sêwazî ya û tede elewî cuyenî. Nameyê kehen yê dewe Tugutî ya û sey heme dewan na dewe ra zî xeylê kesî koçê bajar û metropolan kerdî. Dewe aşmanê hamnanî de şê bena û aşmanê zimistanî de zî tewr zêde 40 keye manenî. Na dewe de problemê xizmetî zêde esta. dewijan ra Îbrahîm Arslano 64 serrî, Mustafa Kemal Goko ke verê cû rênçberî kerdo û Hidir Yaşîno 73 serrî ke tena 3-4 aşman dewe de maneno qisey kerdî.

Dewijî qiseykerdişê xo de wina vatî: “Dewa ma ra rayê AKPyî nêvejîyenî. Cok ra 15 serrî yo ke xizmet nêdîyayo dewa ma. Tarîxê dewa ma reseno hezar serrî. Heme rayîrê dewe xirabe yî. Dewe de çîyê tarîxî estî û hetê dewijan ra yenî pawitiş. Se ra 80/90ê Dîvrîxî elewî ya. Kangalî rê xizmet yeno dayîş, çimkî ewja r arayan herînenî, labelê hetê muhîmî de tîya hîna muhîm o. Tîya hîna pîl o. AKP 15 serrî yo ke nêeşkeno şaredarîya tîya bigîro. Nê operasyonê çinkerdişî yî. Cezaya înan zî na feqîrî ancenî. Seba ke heme çî vaye bîyo, kes heywankarî û berardiş nêkeno.” SÊWAZ