Cinîyê Ciwan yê Azade Berlîn de protestoya bêvengî pê ardî

Çalakîya grevê vêşanîye yê bêdem û bêanêgêrayîşî yê Leyla Guvene ke hemverê tecrîdkerdişê Rayberê PKKyî Abdullah Ocalanî de dabî destpê kerdene roja 77. de dewam kena. Çalakgerê grevê vêşanîye her ke şono zêde benî û her cayê dinya ra piştî yeno dayene.

Bajarê Berlîn yê Almanya de Cinîyê Ciwan yê Azade bi çalakîya bêvengî piştî dayî Leyla Guvene. 3 Cinîyê Ciwan raşteyê Alaxendraplatzî de bi fotografê Leyla Guvene demek derg bêveng vindetî. Sewbîna badê çalakîya Cinîyê Ciwanan îzehet ame dayîş û îzehet de ame vatiş ke waştişê çalakgerê grevê vêşanîye waştişê înan î. cinîyî veng dayî heme ciwananê kurdan û enternasyonalan ke wayîrê çalakîya grevê vêşanîye bivejî. BERLÎN