Zext bi keyeyan kenî û vanî ‘Wa hepsî fek çalakî ra vera bidî’

Ame zanayene ke îdarekarê Zindanê Tîpa Hyî yê Bursa serê keyeyê hepsîyan yê ke grevê vêşanîye de zextan kenî û keyeyan ra wazenî ke hepsî fek çalakî ra vera bidî.

Seba wedarnayîşê tecrîdo girankerde ke serê Rayberê PKKyî Abdullah Ocalanî de yeno meşnayene, hepsîyê zindanan kom bi kom dest bi grevê vêşanîye yê bêdem û bêanêgêrayîşî kerdî. Nê zindanan ra yew zî Zindanê Tîpa Hyî yê Bursa yo.

Hepsîyê binameyê Serhat Sezgîn, Salîh Koyun, Mehmet Kilinç, Mehmet Yalçinkaya, Mehmet Şîrîn Baycu, Suleyman Saydan, Ercan Gokçe 26 kanûna 2018î de dest bi çalakî kerdî. 16ê çeleyî de zî ghepsîyê bnameyê Mîthat Tunç, Metîn Çakir, Sînan Gokçe û Nurullah Yilmaz tewrê çalakî bîyî.

Goreyê malumatê ke avûkatanê hepsîyan ra ameyî herînayîş, hepsîyê ke koma ewil de dest bi çalakî kerdî xeylê zeîf bîyî. Avûkatî dayî zanayene ke vîşêrê hepsîyanê nêweşan sewbîna hepsîyan nêbenî revîr û zext bi keyeyanê çalakgeran kenî. Sewbîna avûkatî dîyar kerdî ke îdarekarê zindanî rojanê pêvînayîşî de keyeyan ra wazeno ke hepsî fek çalakî ra vera bidî. BURSA