Xoverdayîşê şar do sîstemê Îmrali birijno

Hemsereka Akademîya Cigêrayîşî ya Girêdayeyê Unîversîteya Rojawan Evîn Ehmede derheqê tecrîdo girankerde ke serê Rayberê PKKyî Abdullah Ocalanî de yeno meşnayene de qisey kerde: “Tecrîdê serê Rayberê Apo tecrîdê serê merdimîye yo.”

Seke yeno zanayene bi serkêşêya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdo girankerde ke serê Rayberê PKKyî Abdullah Ocalanî de yeno meşnayene, kewte grevê vêşanîye, xoverdayîşê zindanan dest pêkerd. Badê Guvene Kurdistan û Tirkîye de xeylê hepsîyî dest bi grevê vêşanîye yê bêdem û bêagênêrayîşî kerdî. Grevê vêşanîye yê hepsîyan hema zî dewam keno û dewlete heta nika ti gamêk nêeşta.

Hemsereka Akademîya Cigêrayîşî ya Girêdayeyê Unîversîteya Rojawan Evîn Ehmede derheqê tecrîdo girankerde ke serê Rayberê PKKyî Abdullah Ocalanî de yeno meşnayene de qisey kerde û va: “Fikir û felsefeya Rayber Apo rayîrê azadî û aştîye nîşanê komelî da. Ganî dinya bin ê fehmî bêro rayîrberdiş. Kesê ke tecrîdo giran pê anî û bîyî sebebê komploya mîyanneteweyî, nêwaştî fikrê azad yê Rayber Apo vila bibo û aştî pê bêra. Îradeya azad komplo veng vete. Planê dagirkerdiş û qirkerdişî yê dewleta tirkî dewamê komployî yo. Dagirkerdişê Efrînî zî wina yo.”

Ehmede qiseykerdişê xo yê peyênan de wina va: “Ma çalakîya vêşanîya ya Leyla Guven silam kenî. Tecrîdê serê Rayberê Apo tecrîdê serê merdimîye yo. Ez veng dana heme şaranê azadîwaştoxan ke veng bidî Leyla û waştişê aye.” HESEKÊ