Êdî Îmrali rê erşawitişê mektuban zî qedexe yo!

Hepsîyê Zindanê Cinîyan yê Gebze bi mesîleya serranewe mektub û kartan erşawitî Rayberê PKKyî Abdullah Ocalanî. Labelê îdareyê zindan bi mehneya ‘hetê zindan ra nêameyo qebulkerdiş’ mektub û katran îade kerd.

Hepsîyê Zindanê Cinîyan yê Gebze bi mesîleya serranewe Rayberê PKKyî Abdullah Ocalanî rê mektub û kartan erşawitî, labelê îdareyê zindan mektub û katran îade kerd. Serê mektubê ke ameyî îadekerdiş de wina yeno nuştuş: “Hetê zindan ra nêameyo qebulkerdiş.”

Derheqê babete de Avûkatê hepsîyan Sînan Zîncîrî qisey kerd û va: “Muwekkîlê ma bi wesîleya serrenewe mektubê ke mîyanê ci de babetê sîyasî çin î Birêz Abdullah Ocalanî rê erşawitî, labelê îdareyê zindan nê mektuban qebul nêkerd û îade kerd. Ma ewnîyayî mektuban. Mektuban de tena mesajê serrenewe û silam estî. Dewlete seba ke îradeya hepsîyan bişikna û hesasîyetê şarê kurdî raşte ra wedarna teba roja Şeme Mehmet Ocalanî bi hawayo teberê qanûnî erşawit Îmrali. Wazenî mesajê ‘Pêvînayîş pê ame û tecrîd çin o’ bidî komelî. Eke wina bibo qey mektub yenî qedexekerdiş. Ocalan nêeşkeno keyeyê xo rê telefon bikero. Pêvînayîşê avûkatan yenî qedexekerdiş. Tecrîd bi hawayo şîdetin dewam keno.” STENBOL