Doza 19 kesê ke yenî muhakemekerdiş de ‘delîl’ çin î!

Doza rojnameger Haydar Ergulî zî tede yê 8ê ci tewqîfkerde pêropîya yê 19 sîyasetmedaran ke yenî muhakemekerdiş de vejîya raşte tapeyê ke polîs û dozgerî sey delîl nîşan dayî esasê xo de çin î.

28ê Temmuza 2017î de rojnameger Haydar Ergulî tede 19 sîyasetmedarî amebî tepiştiş û tewrê Haydar Ergulî 8 kesî amebî twpiştiş. Roniştişê doze do 5ê Nîsane de 22. Mehkemaya Cezaya Giran ya Stenbolî de pê bêro. 19 kesî ke amebî tepiştiş bi îdîaya ‘endamîya rêxistine’ yenî sucdarkerdiş û raşte de ti delîlêk çin o.

Derheqê doze de îdîanameyo ke ame amadekerdiş de tena goşdarîkerdişê awanîya HDPyî yê Baxcilarî (28.03.2016) sey delîl ameyo nîşandayîş. Îdîanamede ame îdîakerdiş ke awanîya HDPyî de perwerdeyî ameyo dayîş û qeydê goşdarîkerdişê awanî estî. Labelê qeydê ke sey suc ameyî hesibnayîş, torbya CDyan de çin î. mehkema qerarê 13ê êlula 2018î de waşt ke derheqê tapeyê telefonê Munevver Îlîngî û qeydê vengê Guven Pinar, Ahmet Saginç, Enver Sonmez, Ercan Dogrû, Abdullah Geldî, Haydar Ergul, Aysel Dîlber, Haci Aslan û Sedat Çayci rapor de bêrî amadekerdiş ke veng aîdê kesê ke nameyê înan derbaz benî yî ya nê. Badê nê qerarî torbeya ke CDyê qeydê vengan tedebî erşawîyayî Dezgeyê Tibê Edlî (ATK).

ATK raporê xo yê ke erşawit mehkema rê dîyar kerd ke torbeya delîlan de CD çin bî û qeydê vengan ke yenî waştiş zî çin bî.  STENBOL