Ekîbê weşî paweyê Guvene yo

Yeno pawitiş ke Hemsereka KCDyî Leyla Guvena ke qerarê tehlîyekerdişê aye ame dayîş Zindanê Tîpa Eyî yê Amedî ra bêra vetiş. Badê qerarî xeylê kesî seba pêşwazîkerdişî şîyî verê zindan, la polîs dormeyê zindan padayo. Ekîbê weşî tewrê ambulansî verê zindanî ke vindete yo.

Mehkema qerarê tehlîyekerdişê Hemsereka KCDyî û Parlementera HDPyî ya Colemêrgî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî kewte grevê vêşanîye daye. Guvene yew serrî yo ke Zindanê Tîpa Eyî yê Amedî yena tewqîfkerdiş. Badê qerarî şar, parlementerê HDPyî û merdimê Guvene şîyî verê zindan, la polîs destûr nêda ke nizdî bibî. HDPyij paweyê tehlyekerdişê Guvene yî.

Avûkatê Guvene rayîrberê zindanî reyde qisey kerdî û kewtî zerreyê zindan. Eke destûr bêro dayîş do Guvene tewrê heyetêk weşî yê bi ambulans zindan ra bivejîya. Ame zanayene ke seba Guvene sandalyeyêk bi tekelekin waştî.  AMED