Ganî heme ciwanî tewrê Konferansê Ciwanê Rojhelato Mîyanenî bibî

Ciwanê Tevgerê Goran û Yewîya Demokratîke ya Ciwanê Rojhelatê Kurdistanî ke do tewrê Konferansê Ciwananê Rojhelato Mîyanenî bibî diyar kerdî ke ciwan eşkenî pêroyê komelî bi rêxistin bikerî.

  1. Konferansê Ciwananê Rojhelato Mîyanenî do 20ê Sibata 2019î de Bakurê Sûrîye de bi tewrbîyayîşê xeylê rêxistin, partî û tevgerê ciwanan pê bêro. Konferans do 4 rojan dewam bikero û hetê Ciwananê Rojhelatê Kurdistanî ra bêro rayîrberdiş. Înîsîyatîf xeylê netew, bawerî, rêxistin, partî û komeleyê ciwanan ra pê yeno.

Ciwanê Tevgerê Goranan bi vîdeoyêk silamanê xo seba ciwananê Rojhelato Mîyanenî erşawitî û dîyar kerdî ke ê do bi bawerî û umidê girdî tewrê 2. Konferansê Ciwananê Rojhelato Mîyanenî bibî. Endamê Tevgerê Goranan dayî zanayene ke ciwan bi hewldayîşê xo tesîrê xo danî rêxistinîyayîşê komelî ser aû eşkenî heme cayan rêxistin bikerî.

Sewbîna Ciwanê Tevgerê Goranan veng dayî heme ciwananê Rojhelato Mîyanenî, ciwan, rêxistin û partîyên sîyasî ke her cayê Kurdistanî ra bi hawayo komî tewrê konferans bibî. Yewîya Demokratîke ya Ciwananê Rojhelatê Kurdistanî zî bi îzehetêk dîyar kerdî ke ê do hemverê polîtîkayê daliqnayîş, qetlîyam, asîmlasyon û dagirkerî de tewrê 2. Konferansê Ciwananê Rojhelato Mîyanenî bibî. HEWLÊR