Google ra seba Wîkîpedîa bi Kurdkî hetkarîye

Merkezê Xeberan

Google, seba ke Wîkîpedîa bi lezî û bi xeylî ziwanan bêro açarnayene, zaravaya Kurmanckî ya Kurdî zî mîyan de, 2 mîlyon Dolarî hetkarîye kerde.

Wîkîpedîa ke ansîklopedîya tewr hîra ya înternetî de ya, heta nika 15 ziwanan de xizmetê açarnayîşê otomatîkî kena. Metnê bi ziwanêde bînî, desinde seba ziwananê cîyayan açarnêna. No sîstem êdî bi zaf ziwanan yeno xebitnayene ke zaravaya Kurmanckî ya Kurdkî zî mîyanê înan de esta.

Seba Kurmanckî sîstemê açarnayîşê bi lezî, bi ziwananê Haûsa, Yorûba û Zûlû yê Efrîka de yenê qiseykerdene de zî dest pê keno. Proje bi berêyîşê Însîyatîfê Ziwananê Herêmî yê Mîyanneteweyî “Growîng Local Langûage Content” ra ame amadekerdene û ame eşkerakerdene ke Google zî hetkarîye keno.

Google, seba ke ziwanê herêmî mîyanê înternetî de hîna bi xurt bêrê xebitnayene, hetkarîya 2 mîlyon Dolarî dayê nê projeyî. Yeno texmînkerdene ke, ziwanê herêmî yê qalê ci yeno kerdene, hetê 100 mîlyon merdiman ra yenê xebitneyene. Wîkîpedîa ya bi Kurmankcî ke serra 2004î de dest pêkerd, heta nika zêdeyî 24 hezarî metnî estê. Teberê Kurmankcî metnê bi zaravayanê Sorankî, Kelhûrî û Kirmanckî zî Wîkîpedîa de yenê peydakerdene.