Hepsîyê Tarsus vengê hîsgerîye dayî

Hepsîyê Zindanê Tîpa Tyî yê Tarsusî Mervan Songur, Hayrullah Turan û Çetîn Usluyî veng dayî rayapêroyî û waştî ke hemverê xoverdayîşê zindanan de bi hawayo hîsgerîye têbigêrî.

Çalakîya grevê vêşanîye ke seba wedarnayîşê tecrîdê serê Rayberê PKKyî Abdullah Ocalanî dest pêkerdbî dewam kena. Hepsîyê Zindanê Tîpa Tyî yê Tarsusî Mervan Songur, Hayrullah Turan û Çetîn Usluyî ke 5ê Çeleyî ra nata grevê vêşanîye yê bêdem û anêgêrayîşî de yî, aşkera kerdî ke heta tecrîdê serê Ocalanî nêwedarîyo do çalakîya xo dewam bikerî. Hepsîyî taybet veng dayî şarê kurd û komeyanê sivîl yê demokratîk ke seba şiknayîşê tecrîdî bi hawayo hîsgerî têbigêrî.

Çalakîya Hemsereka KCDyî û Parlementera HDPyî ya Leyla Guvene ewro kewte roja 81. Çalakîya Endamê Meclîsê HDPyî Nasir Yagizî ke Hewler de seba eynî waştişan dest bi grev kerdbî zî roja 68. de dewam kena. Çalakîya grevê Strasbaurgî zî roja 42. û çalakiya koma ewil ke 16ê Kanûne de zindanan de dest pêkerdbî roja 43. de dewam kena. MÊRSÎN