Derheqê Denîz Çakire de qerarê bêtaqîbî

Merkezê Xeberan

Tehqîqato ke derheqê kaybaze Denîz Çakire de bi îdîaya ‘tahrîqê dişmenî û kînê şarî’ de ameybî akerdiş de qerarê bêtaqîbî dîya.

Badê ke Serekkomar Recep Tayyip Erdogan kaybaze Denîz Çakire sey hedef da nîşandayîş, derheqê aye de bi îdîaya ‘tahrîqê dişmenî û kînê şarî’ tehqîqat ame akerdiş. Tehqîqato ke ameybî akerdiş de qerarê bêtaqîbî dîya. Rojanê vîyarte de ame îdîakerdiş ke kaybaze Denîz Çakire AVMyêk de heqaret bi cinîyê serepadayebî kerda û derheqê babete de îfade dabî dozgerîye. Badê îfadedayîşî Çakire vatbî ‘Îdîayê ke yenî kerdiş eksê şexsîyet û vindetişê mi yî.’