41 avûkatê ke mehkema protesto kerdbî rê doz ame akerdene

41 avûkatê ke doza KCKyî yê Amed de seba ke muwekîlê înan salona roniştişê doze ra vetî salone, mehkema teriknabî. Derheqê nê avûkatan de bi mehneya ‘wezîfeyê xo baş pê nêardî’ doz ame akerdene û 82 serrî cezaya hepsî yena waştene.

Roniştişê doza KCKyî 3ê sibata 2014î de Mehkemaya Amed de ame vînayîş. Doze de siyasetmedarê ke bi çepikan ‘nizdîbîyayîşê mehkema’ şermizar kerdî vetîbî teber. Dima ra avûkatî zî bi mehneya ‘raybazê bêhet ameyî binpaykerdene’ mehkema ya ameybî vetene. Hedîse ra dima derheqê avûkatan de tehqîqat ame akerdene û badê 5 serran no tehqîqat bedilîya doze.

Serekê Baroya Amedî yê kehen Mehmet Emîn Aktar, Serekê Baroya Amedî yê nika Cîhan Aydin zî tede 38 avûkatê Amedî, 3 avûkatê bajarê Êlihî û avûkatêk endamê Baroya Anqara pêropîya 41 avûkatan doze taqîp kerdêne. Bi waştişê Wezîrîya Edaletî derheqê 41 avûkatan de bi mehneya ‘wezîfeyê xo baş pê nêardî’ tehqîqat ame akerdene û tehqîqat temam bî. Dosyayê avûkatan Mehkemaya Amedî de ame akerdene. Goreyê îdîanameya ke ameya akerdene 41 avûkatan rê mabenê 6 aşm û 2 mengan  de cezaya hepsî yena waştene. AMED