Xoverdayîşê Leyla Guvene kewt roja 84.

 Xoverdayîşê Hemsereka KCDyî û Parlementera HDPyî Leyla Guvena ke grevê vêşanîye yê bêdem û anêgêrayîşî de ya roja 84. de dewam kena. Guvene badê ke ameye veradayene zî keyeyê xo de çalakîya xo domnena.

Xoverdayîşê grevê vêşanîye ke hemverê tecrîdkerdişê Rayberê PKKyî Abdullah Ocalanî de bi serkêşîya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena dest pêkerdbî, dewam keno. Guvene seba wedarnayîşê tecrîdo girankerde ke serê Rayberê PKKyî Abdullah Ocalanî de yeno meşnayene, 8ê Teşrîna Peyêne de Zindanê Amedî de dest bi grevê vêşanîye kerdbî.

Çalakiya Endamê Meclîsê HDPyî Nasir Yagizî ke Hewler bi eynî taleban dest pêkerdbî zî roja 71. de dewam kena. Çalakîya grevê vêşanîye ya Strasbaurgî û ya Îmam Şîş yê Gallerî zî roja 45. De yî. Çalakîya koma ewil ke 16ê Kanûne de zindanan de dest pêkerdbî zî roja 46. de dewam kena. Nika pêropîya zindanan de 282 ra zêde hepsîyê sîyasî grevê vêşanîye yê bêdem û anêgêrayîşî de yî. AMED