Keyeyê Leyla Guvene girîya abluqa

HDPyijê ke ameyî verê keyeyê Hemsereka KCDyî Leyla Guvene binê abluqaya polîsan de bi çepik û tilîlîyan piştî dayî.

HDPyijê ke ameyî verê keyeyê Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene binê abluqaya polîsan de bi çepik û tilîlîyan piştî dayî. Leyla Guvene 8ê Teşrîna Peyêne de Zindanê Amedî de dest bi grevê vêşanîye yê bêdem û anêgêrayîşî kerdbî û çalakîya aye ewro roja 84. de dewam kena. Guvene çalakîya xo zindan de dabî dest pêkerdiş û 25ê çele de ameybî tehlîyekerdiş. Nika zî çalakîya xo keyeyê xo de dewam kena.

Badê ke Leyla Guvene dest bi çalakîya grevê vêşabîye kerde, awanîya HDPyî ya Amedî û Zindanê Tîpa Eyî yê Amedî bi TOMA, renger, wesayîtê zirxî û polîsan girîyayî binê abluqa. Tehlîyekerdişê Leyla Guvene ra dima zî keyeyê aye bi polîsan girîya binê abluqa.

Her çiqas ke abluqaya polîsan bibî zî parlamentera HDPyî Remzîye Tosune, Namzedê Hemşaredarîye yê qezaya Peyasî ya Amedî û rayîrberê HDPyî yê Amedî virzêr ameyî verê keyeyê Leyla Guvene. Koma ke ameye verê şibaka odeya Leyla Guvene bi çepik û tilîlîyan piştî da Guvene.

Koma HDPyî bi silogan û tilîlîyan vila bî. AMED

Dikarî Biecibînî