3 qezayan de eştî 37 keye û axuran ser: Kesêk tepişîya

Qezayanê Farqîn, Pasur û Hêne yê Amedî de operasyonê sereştişê keyeyan virazîya û eştî serê 37 keye û axuran ser. Netîceyê operasyonî de hemwelatîyo bi nameyê H.A. fotografo ke dês de daliqnayebî vera ame tepiştiş.

29ê Çele de herêmanê girêdayeyê qezayanê Farqîn, Pasur û Hêne yê Amedî de operasyonê leşkerî dest pêkerdbî û 30ê Çele de qedîyabî. Ame zanayene ke bi helîkopteran leşkerê taybet sewqê herême ameyî kerdiş û netîceyê operasyonî de eştî serê 37 keye û axuranê hemwelatîyan ser. Sereştişê keyeyan de kontrolê GBTyî yê heme hemwelatîyan kerdî û keye dayî têmîyan.

Taxa Ayhan ya qezaya Pasurî ya Amedî de eştî serê keyeyê H.A. û ci tepiştî. Ame zanayene ke H.A. fotografê HPGyî ke dês de daliqnayebî vera bi îdîaya ‘propagandaya rêxistine’ ameyo tepiştiş û berdî Fermandarîya Cendirmeyan ya Qezaya Pasurî. AMED

 

Dikarî Biecibînî