DBP do Amed de kongre pê bîyaro

DBP 3ê Sibate de 5. Kongreya Asayî virazeno û seba kongre veng dîya şar.

Partîya Herêmê Demokratîkî (DBP) ya Amedî do 3ê Sibate de Salona Konferansî ya Demîrokî de 5. Kongreya Asayî virazena. Endamê Meclîsê Partîya DBPyî Tevfîk Kaçarî dîyar kerd ê do 3ê Sibate de kongreya DBPyî Amed de pê bîyarî û va: “Ma seba kongre 2 aşman xebetîyayî. Ma eşkenê no proses ra vajî; proseso newe. Do proseso newe de perspektîfê ke hewl danî sîyasetê Tirkîye xetimîyayîşî xelas bikerî û serkêşîya sîyasetê demokratîke berpirsîyarî pê bêrî. Ma do goreyê waştiş û têkoşînê kurdan têbigêrî. Ma kongreya xo bin ê îdîayan pê anî. Kongre do 3ê Sibate de saet di 10.00î de Salona Konferansî ya Demîrokî de pê bêro. Seba tewrbîyayîşê kongre ma veng danî heme kesan.”

Endama Dezgeyê Rayîrberîya Merkezî ya DBPyî Sevîm Adsoye zî daye zanayene ke kongre seba înan zaf muhîm o  va: “Ma prosesê xoverdayîşan û çalakîyanê grevê vêşanîye ra derbaz benî. No proses de zext û zorîya faşîzmê AKP-MHPyî zîydîyayo. DBP tena partîyêka sîyasî nîya. Eynî wext de partîyêka bîrdorzî û perwerdeyî ya. Ganî heme kes wayîrê xoverdayîşan bivejîyo û tewrê konre bibo.” AMED