Hûmara neweye ya Newaya Jin vejîyaye

Merkezê Xeberan

 

Hûmara 167.  Newaya Jin bi manşetê ‘Leylayê ke tîje reyde soz kerdo yew û bîyê çîqê şorişî’ vejîyaye.

Rojnameyê cinîyan ê menge Newaya Jin, hûmara xo ya Gucige de bale ante serê xoverrodayîşê grevê vêşanîye yo ke bi rayberîya cinîyan yeno kerdene û bi manşetê ‘Leylayê ke tîje reyde soz kerdo yew û bîyê qşorişî’ vejîyaye.

Rojnameyî hûmara xo ya 167. de eşkerayîya KJKyî ya serê Sûna Kizilkaya (Armanc Goşkare) ke şehîd bîye, manşetê corî de weşana. Hûmara 167. de babetê sîyaset, medya, ekonomî, weçînitiş, huquqê cezayî û têkoşîn ca gênê.

Komploya mîyanneteweyîye

Endama Koordînasyona PAJKyî Raperîn Mûnzûre ard zwan ke, Komploya 15ê Gucige ya ke 20 serrê xo kerdê temam, seba Kurdan roja qirkerdişî ya û vat, “Têkoşîn seba pûçkerdişê komploye heman wext de têkoşînê vergirewtişê qirkerdişî yo û têhet de pîyaciwîyayîşê şaran o.“

Ma bibê vengê xoverrodayîşî

Çalakîyê grevê vêşanîye yê ke rayberîya Leyla Guvene de dest pêkerdo, hetê Parlamentera HDPyî Dîlan Dîrayete ra ame şîrovekerdene. Taşdemîre bale ante serê girîngîya wayîrvejîyayîşî û vengdayîş kerd ke her kes wa bibo vengê nê xoverrodayîşî.

Çalakwana grevê vêşanîye ya Strasboûrgî rojnamegere Gulîstan Çiya Îke zî heman babete hûmara rîpelanê Kurdî yê rojnameyî de şîrove kerda û vist vîrî ke serrgêra 20’ina Komploya 15ê Gucige bi hemleya gird a xoverrodayîşî ameya vinetene.

Çalakwanêka bîne ya grevê vêşanîye ya Strasboûrgî de Dîlek Ocalane zî serdena 23ê Kanûne 2013î ya Îmraliyî daye ercnayene. Dîlek Ocalane şîyayîşê Îmraliyî bi vatişê ‘sey vîstikêk kilm, sey se serran derg’ pênase kerd. Parlamentera HDPyî ya Amedî Salîha Aydenîze, rewşa sîyasî ya rojdemî ya Tirkîya rîpelê Kurdî yê rojnameyî rê ercnayî û bale ente serê tifaqa faşît a verê Kurdan.

Hûmara 176’ê yê rojnameyî de Doçent Dr. Fatma Karakaş Dogane meseleyê cinîyê ke domananê xo reyde hepisxaneyan de, nuştoxe Rojda Yildirime zî meseleyê Palûyî yo ke wextêk rojdemî de bi, analîz kenê. Rojnamegere Nîl Gune zî serê Woman TVî yo ke bihişê camêrdî abîyo de analîzan kena.

Roportajê Çarçel Engîzekî yo ke hemvatoxa Zîreetî ya Rojava Bêrîvan Qamişloye reyde deheqê ekonomîyê cimatkî de kerdo, pêvînayîşê endamanê cinîyan yê KNKyî yê serê yewîya neteweyî ya Kurd a demokratîke hûmara 167. de ca girewto.

Dikarî Biecibînî