No hêriş têkoşînê demokrasî rê ameyo kerdene

Hêrîşo ke otobusa weçînitişî ya HDPyî rê amabi kerdene bi eşkerayîya weşanî ameye protestokerdene. Hemserekê HDPyî yê bajarî Umît Dede, bale ante ser ke hêrîş cayo ke polîsî 24 saetî nobet gênê de ameyo kerdene.

Wan de cayo ke bi kemeran otobusa weçînitişî ya HDPyî hêrîşê ameyo kerdene de bi eşkerayîya çapemenî hêriş ame protestokerdene. Hemserekê HDPyî yê bajarî Yadîşen Karabulake û Umît Dede, Hemserekê DBPyî yê bajarî Ayla Tarhan, Okkeş Kawa, namzedeê hemşaredarîye ya Bajarê Girdî ya Wanî Mustafa Avci, parlamenterê HDPyî Muazzez Orhane, namzedê hemserekê yê qezayan , aktîvîstê TJAyî, şar û temsîlkarê HDPyî beşdarê çalakîye bîyî. Eşkerayîye de, “Vera faşîzmî doşe bidîme doşe” û “zextî ma rayîr ra nêkenê” ameyî vatene.

Hemserekê HDPyî yê bajarî Umît Dedeyî vat: “Dewleta Tirkî ya ke vera her gama ma ya weçînitişî ya qije bi heme hêzê xo vindena, çi heyf ke hêrîşo ke 20 metre averê ci de bîyo çîyêk nêkena. Amancê nê hêrîşî teyna otobusa HDP’yî nîya, hêriş têkoşînê demokrasî rê ameyo kerdene. No hêrîş renganê cîyayan rê ameyo kerdene. Helbet no hêrîş zî sey ê hêrîşanê bînan ma rayîrê ma ra nêvisneno. Ma vera nê hêrîşan hîna pêt û biqerar xebatanê xo rê do dewam bikerê.”

Namzedê hemşaredarîye ya Bajarê Girdî ya Wanî Mustafa Avci da bewlîkerdene ke, HDP teyna yew partîye nêya, a hêvîyêka zaf gird a. No hêrîş, sey hêrîşo ke çend kesan kerdo nêno qebulkerdene.” WAN