Ma do Şirnexî zaliman ra pak bikerê

Namzeda HDPyî ya seba Hemserekîya Şaredarîya Şirnexî Nûrcan Alturke vat, seba ke Şirnexî ra zaliman û kerdişanê înan pak bikerîme şarê ma şoro sindiqan û cewabo ke lazim o bido înan.

Namzeda HDPyî ya seba Hemserekîya Şaredarîya Şirnexî Nûrcan Alturke ard ziwan, ê do Şirnexî bi rengê cinîyan bixemilnê. Nûrcan Alturke zewejîyayî ya û maya 3 domanan a. Cuya aye bi temamî Şinexî de derbaz bîya. Nûrcan Alturke namzedîya xo ser o vat: “Vera kerdişanê qeyûmî ke dişmenîya cinîyan keno de, ma do warêko hîrayêr de têkoşînî awan bikerê. Pîya bi şarê xo, ma do weçînitişî de cewab bidê û bajarê xo zaliman ra pak bikerê.”

Akturke eşkera kerd ke, a do şaredarîye hîrayêr bi rengê cinîyan bixemilno û vat, “Ma do bi şarê xo ra ronişê û çi lazim o,  çi bêro kerdene qisey bikerê. Şirnex bi muhtacbîyayîşê kesêk ney, Şirnex bi xo do serê payanê  xo de bimano.” ŞIRNEX