Des hezaran kesî hemverê tecrîdî de mîtîngê Stenbolî de resayî yewbînan

Bi des hezaran şarê Stenbolî bi siloganê ‘Ma seba Ked, Aştî û Edalet resenî yewbînan’ arê bîyî. Stenbolijê ke arê bîyî, qiseykerdişan ra ver verê deyran û muzîkî de govend çarnenî.

Rêxistina Partîya Demokratîke ya Şaran (HDP) ya Stenbolî seba bale serê antişê grevê vêşanîye, şermizarkerdişê tecrîdkerdişê Rayberê PKKyî Abdullah Ocalanî û piştîdayîşê çalakîya Hemsereka KCDyî Leyla Guvena ke 88. rojî yo grevê vêşanîye de ya, Raşteyê Azadîye yê Bakirkoyî de mîtîng pê arde. Bi des hezaran kesî raşteyê mîtîngî de kom bîyî. Herikîyayîşê raşteyê mîtîngî hema zî dewam keno. Mîtîng do bi rêzgirewtiş û qiseykerdişan dest pêbikero.

Raşteyê mîtîngî de Pankartê ‘Tecrîd do tarîtî bidirno!, Do meşaleya Azadîye gur bibo!, Şarê xoverdekar şono Şoriş û do ser bikewo!’ ameyî akerdiş. Destê girseyo ke raşteyê mîtîngî dekerdo de fotografê sîyasetmedara kurd Leyla Guvena ke 88. rojî yo grevê vêşanîye de ya, Selahattîn Demîrtaş, Selma Irmak, Sebahat Tuncel, Çaglar Demîrel û Abdullah Zeydanî ke zindan de yenî muhakemekerdiş estî. Şar raşteyê mîtîngî dekerdo û bi beyreqan dorme xemilnayo. STENBOL