Nasir Yagiz: Xoverrodayîş ciwîyayîş o

Merkezê Xeberan

Grevê vêşanîye yê bêdem-bêagêrayîşî yê Nasir Yagizî roja 75. de yo. Yagiz seba rewşa ci ya girane amebi berdene bi nêweşxane, la tedawî qebûl nêkerd û agêra temsîlkarîya HDPyî ya Hewlêrî û vat ke o do heta peynîye xoverdayîşê xo rê dewam bikero.

Çalakwanê grevê vêşanîye yê Başûrê Kurdistanî, biqerarî dewam kenê. Yagizî seba rewşa xo ard ziwan ke,  her ke şono warê weşî û fîzîkî de rewşa ey bena girane, la o do biqerarîye heta peynî çalakîya xo rê dewam bikero.

Yagizî da zanayene ke , bêhalî, rincanî, reyna dejê sereyî hîna sey verî dewam kenê û vat ke êdî nêeşkeno çîyêk bişimo. Êdî xovîrakerdiş û hesasîyetê  vera ronşnîye, reyna viritiş peyda bi û 12 kîlo kerd vîndî.  Ge-ge çimê ey benê tarî,  la nê bi demdemî yê. Peynî de zî, heta reştişê amancî do xorrodayîş dewam bikero.”

MEXMÛR

Kampa Şehîd Rûstem Cûdî ya Mexmûrî de  grevê vêşanîye yê bêdem-biagêreyîşî yo ke16ê Kanûna 2018’î seba şikitişê tecrîdê  serê Rayberê Şarê Kurdî Abdullah Ocalanî amebi destpêkerdene roja 49’ine de, bi grûba 17ne  dewam keno.

Çalakîya grevê vêşanîye ya bêdem-bêagêrayîşî ya endama Koordînasyonê Meclîsê Îştare Fedîle Toke ya ke 20’ê Çele de bi heman waştişî ameyebî destpêkerdene roja 15. de dewam kena. Toke ard ziwan ke, heta ke tecîrd nêro werdaritene a do çalakîya xo rê dewam bikera.

Çalakîya meclîsê îştare dewam kena

Endamê Meclîsê Cinîyan ê Îştare grevê vêşanîye yo ke vernîya temsîlkarîya Neteweyê Yewbîyayeyî (NY) yê Hewlêrî de semedê wedartişê tecrîdê serê Rayberê Şarê Kurdî Abdullah Ocalanî 30ê Çile de dayo destpêkerdene, danê domnayene.

Endama Koordînasyonê Meclîsê Îştare Nûran Sezgîne, derheqê babete de zanayîşî daye û va: Amancê ma yo verên şikiştişê tecrîdî yo. Ma dî ke dezgehê Ewropa hemberê waştişanê ma de bêveng ê, seba naye zî ma verê NYyî dest bi çalakîye kerde. Ma na bêvengîye qebul nêkenîme û serê nê waştişan ma siba pêvînayîşêk do dezgehê Heqê Merdiman reyde biqewê. Ma biqerarî heta wedartişê tecrîdî do çalakîya ma ya verê NYî de dewam bikero.

ŞENGAL

Grevê vêşanîye yê bêdem-biagêrayîşî yo ke hetê Yewîya Ciwananê Êzîdîyan û Cinîyanê Ciwanê ê Êzîdîyan ra 6’ê Çeleyî de Xanesorî de seba şikitişê tecrîdê serê Ocalanî amebi destpêkerdene roja 28’ine de bi grûba 17ne dewam keno.

SILÊMANÎ

Komela Karkeran a Mezopotamya ya Silêmanî de zî grevê vêşanîye roja 50’ine de hetê grûba 27. ra yeno dewamkerdene.

Dikarî Biecibînî