Xoverdayîşê Leyla Guvene kewt roja 89.

Xoverdayîşê Hemsereka KCDyî Leyla Guvena ke grevê vêşanîye yê bêdem û anêgêrayîşî de ya û seba wedarnayîşê tecrîdê serê Rayberê PKKyî Abdullah Ocalanî dest pêkerdbî roja 89. de yo. Guvene badê ke 25ê Çele de serbest ameye veradayîş keyeyê xo de çalakîay xo dewam kena.

Xoverdayîşê grevê vêşanîye ke hemverê tecrîdkerdişê Rayberê PKKyî Abdullah Ocalanî de bi serkêşîya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena dest pêkerdbî, roja 89. de dewam keno. Guvene seba wedarnayîşê tecrîdo girankerde ke serê Rayberê PKKyî Abdullah Ocalanî de yeno meşnayene, 8ê Teşrîna Peyêne de Zindanê Amedî de dest bi grevê vêşanîye kerdbî û dima ra çalakîya aye vilayê zindanan, Tirkîye, Hewlêr, Fransa, Mexmûr, Şengalî û xeylê cayan bî. Çalakiya Endamê Meclîsê HDPyî Nasir Yagizî ke Hewler bi eynî taleban dest pêkerdbî zî roja 76. de dewam kena. Çalakîya grevê vêşanîye ya Strasbaurgî û ya Îmam Şîş yê Gallerî zî roja 50. de yî. Çalakîya koma ewil ke 16ê Kanûne de zindanan de dest pêkerdbî zî roja 51. de dewam kena. Nika pêropîya zindanan de 281 ra zêde hepsîyê sîyasî grevê vêşanîye yê bêdem û anêgêrayîşî de yî. AMED

Dikarî Biecibînî