Hemamê Cincikli wêran bî

Hemamê Cinciklî yê Siwêregî ke hetê tarîxî û kulturî de xeylê muhîm o, seba ke nêame pawitene wêran bî.

Hemamê Cinciklî yê tarîxî û kulturî yê Siwêregî seba ke nêame pawitene ûkes wayîr nêvejîya wêran bî. Şarê qezaya Siwêregî ya Riha verê cû vatêne Hemamê Cinciklî, la badê ke wêran bî nika şar vano Hemamê Wêrankerde. Seba ke kîtabeyê Hemamê tarîxî yê kuçeyê Hîzanoglu yê taxa Karaburçî çin o, nîno zanayene ke kamî wext û hetê kamî ra ameyo awankerdene. Hemamo ke nameyê ci seyahatnameyê Evliya Çelebî de derbaz beno, nîşan dano ke zêdeyê 400 serrî kehenîya ci esto.

Hemwelatîyê Siwêregî dîyar kerdî ke rayîrberîyê herême weçînayîş ra ver soz dabî ke do Hemam bipawî, labelê heta nika ti xebatêk seba pawitişê abîdeyo tarîxî nêameyo kerdene. RIHA