Kanîreşo ke 35 rojî bî tatîl dest bi dersan kerd

 

 

Qezaya Kanîreşî ya Çewlîgî de 27ê kanûne ra nata ders nêdîyena û tatîlê 15 rojî vera zî wendekarî 35 rojî dersan ra merhum mendî. Destpêkerdişê perwerdeyî ra dima wendekarî zî dest bi dersan kerdî û mektebê Kanîreşî zî abîyî.

Qezaya Kanîreşî ya Çewlîgî de zimistan xidar derbaz beno. Qeza de varayîşê vewre qet nêvindeto û hîrayîya vewre tewr peynî 2 metreyan derbaz kerd. Varayîşê vewre vera mekteb û rayîrî padîyayî û wendekarî dersan ra merhum mendî. Qeza de 27ê kanûne ra nata mekteb padayeyî û seqem û cemed vera aye tarîx ra nata wendekarî tena 2 rojan eşkayî şêrî mekteban. Tewrê tatîlê 15 rojan pêropîya wendekarî 35 rojan nêşîyî mekteb. ÇEWLÎG