Licê û Pasûr de qedexeyê tebervejîyayîşî ame îlankerdene

17 dew û mezrayanê girêdayeyê qezayanê Licê û Pasûrî de qedexeyê tebervejîyayîşî ame îlankerdene. Herême de operasyonê leşkerî zî dîya dest pêkerdene.

Walîtîya Amedî 17 dew û mezrayanê girêdayeyê dewanê qezayanê Licê û Pasûrî de qedexeyê tebervejîyayîşî îlan kerde. Qedexe saet 06.00î de dest pêkerde û ame zanayene ke heta fermanê diyîn do dewam bikero.

Nameyê dewê Licê ke tede qedexe ameyî îlankerdiş wina yî: Herkî, Darakol, Cofitnî, Bamitnî, Sinî û Bişişt û mezrayê înan.

Nameyê dewê Pasûr ke tede qedexe ameyî îlankerdiş wina yî: Benin, Zillek, Çirik, Temiran, Maladinarî, Hacanan, Kamikan, Malamelikî, Godernê, Havingê û Temren û mezrayê girêdayeyê înan.

Ame vatiş ke dest pêkerdişê qedexe ra nata herême de operasyonê leşkerî dest pêkerdo. AMED