Selma Irmake: Bi wedarnayîşê tecrîdî do rayîrê ma roşna bibo

Merkezê Xeberan

Wekîla verên a HDPyî Selma Irmaka ke Zindanê Tîpa Fyî yê Kandira de ya û semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye yê bêdem-bêagêrayîşî de ya mesajêk erşawite û va: “Bi wedarnayîşê tecrîdî do rayîrê ma roşna bibo.”

Wekîla verên ya Partîya Demokratîke ya Şaran (HDP) Selma Irmake dimayê çalakîya grevê hemsereka Kongreya Komela Demokratîke (KCD) û parlamentera HDPyî ya Colemêrge Leyla Guvena ke seba wedaritişê tecrîdê girankerdeyî yê serê Rayberê Şarê Kurdî Abdullah Ocalanî dayebî destpêkerdene, 12ê Çele de tewrê grevî bîbî. Irmake seba grevê vêşanîye yo ke rayberîya Guvene de dest pêkerdibi rê mesajêk erşawite.

Mesajê Irmake wina yo: “Hêvî û bawerîya mi esta ke çalakîya ke bi rayberîya Birêze Leyla Guvene dest pêkerda de moralê ma berz o, bi coş û qerardarî ma do ser bikewê. Ma qerardar ê, ma do ser bikewê. Zîndanê ke xoverrodayîşî dest pêkerdo û bîyo xurt, bi prosesêkê neweyî xoverrodayîş do defêna girdêr bibo.”