Vîdamînê Byî nêdanê girewteyo ke grevê vêşanîye de yo

Merkezê Xeberan

Adem Arslano ke 59 rojî ra zêde yo ke Hepisxaneyê Tîpê Fyî yê Edîrne de grevê vêşanîye de yo û nêeşkeno teyna bi sereyê xo îhtîyacanê xo bîyaro ca, ame vatene ke vîtamînê Byî zî nêdanê ey.

Keyeyê Adem Arslanî yo ke wextêko nêzdî de ey reyde pêvînayîş kerdo, dîyar kerd ke, Arslan grevê vêşanîye de yo la o reyna zî binê tecrîdê girankerdeyî de yeno pêgirewtene.

Goreyê zanayîşanê ke keyeyê ey ra ameyê girewtene, Adem Arslano ke 59 rojî ra zêde yo ke grevê vêşanîye de yo û îdareyê hepisxaneyî derman û awe nêdano ey, reyna nêverdanê hevalê xo reyde bêro têhet û o eşte hucreyêk. Adem Arslan nêeşkeno teyna bi sereyê xo îhtîyacanê xo bîyaro ca, ame vatene ke vîtamînê Byî zî nêdanê ey.