Loqmeyî ameyî vilakerdene

Menga Xizirî de Zîyaretgehê Jarê Gola Çetoyî yo ke merkezê Dêrsimî de yo de canan loqmeyê xo kerdî parê û çilayê xo fîştî ta. Cinîyan ê Dêrsimijan vat ke ê zîyaretgehanê xo ra wayîr vejîyenê, bi ardimê Xizirî rayîr û îtîqatê xo domnenê.

Menga Xizirî de herêma merkezê Dêrsimî de tayê rojeyî no hewte, tayê herêman de zî hewteyê verê ma dest kewenê ci. Zîyaretgehê Jarê Gola Çetoyî yo ke merkez de yo, canan ê ke loqmeyê xo ardê, bi waştişan çilayî tafîştî. Cinîyê ke loqmeyî pare kerdê û çilayî tafîştê, ard ziwan ke, ê zîyaretgehanê xo ra wayîr vejîyenê, bi ardimê Xizirî rayîr û îtîqatê xo domnenê.

Canan ard ziwan ke, menga Xizirî hîna 15 rojî do dewam bikera û va: “Merdimî timî yenê zîyareta xo ser. Feqîrî, dewlemendî, ciwanî, kokimî yenê. Ewro roja Xizirî ya.” DÊRSIM