Qeydê ziwanê kurdî dewam kenî

 

Qeydê muracatê wisarî yê Komeleya Cigêrayîşê Kurdî dest pêkerd. Komele de dersê bi zarawayê kurmancî, kirmanckî û soranî yenî dayene û ders do 23ê Sibate de dest pêbikerî. Mamostayê komeleyî seba tewrbîyayîşê dersanê kurdî veng dayî her kesî.

Qeydê muracatê wisarî yê Komeleya Cigêrayîşê Kurdî dest pêkerd. Komele de do dersê zarawayê kurmancî, kirmanckî û soranî bêrî dayene. Mamostayê Komeleya Cigêrayîşê Kurdî Eyyup Subaşi dîyar kerd ke do donemê wisarî 23ê Sibate de dest pêbikero û seba tewrbîyayîşê dersanê kurdî veng da her kesî.

Mamostayê ziwanê kurdî Eyyup Subaşi qiseykerdişê xo de wina va: “Ma bi 3 zarawayan ders danî. Ma do dersê kurmancî, kirmanckî û soranî bidî dayene. Dersê kurmancî do 4 dewre, yê kirmanckî do 2 dewre û yê soranî zî do 1 dewre bibî dayene. Dersê ma do hem mîyanê hewte de û hem zî peynîya hewte de bêrî dayene. Mîyanê hewte de roja Dişeme û Çarşeme ders estî.”

Subaşi dewamê qiseykerdişê xo de seba tewrbîyayîşê dersan veng da her kesî û domna: “Ez sere de veng dana heme kesê ke na xebera wanenî. Wa xebere vila bikerî. Bi no hawa zî eşkenî piştî bidî xebatan. Kurdî zî sey heme ziwanan wayîrê alfabeyêk o. Nuştiş û qiseykerdişê kurdî bimusêne. Kesê ke bi ziwanê dayîka xo wendiş û nuştiş nêzanê nêeşkenê bibî wendoxêk tam. Cok ra ganî bêrî tîya û nuştiş, kultur, huner û edebîyatê kurdî bimusî.”

Roja ders û dewreyê dersan wina yî:

Kurmancî:  Dewreyo 1: Dişeme û Çarşeme: saet: 19.00-21.00

Dewreyo 2:  Dişeme û Çarşeme saet: 19.00-21.00

Soranî: Dewreyo 1: Sêşeme saet: 18.00-21.00

Kurmancî peynîya hewte: Dewreyo 1: Şeme saet: 11.00-14.00

Dewreyo 2: Şeme saet 14.00- 17.00

Dewreyo 3: Şeme saet : 14.00-17.00

Dewreyo 4: Şeme saet : 17.00-20.00

Kirmanckî (Zazakî) : Asta 1: Şeme saet: 11.00-14.00

Dewreyo 2: Şeme saet: 14.00-17.00”

Lînka formê qeyd

Kesê ke wazenî qeydê xo virazî eşkenî şêrî komeleya ke Taksîm de ya. Ya zî eşkenî bi rayîrê lînkê tîya ra qeydê xo virazî:

https://docs.google.com/forms/d/e/1FAIpQLSetf9evmRqsK58QqOu4ZpHT-zjTGltGZQOxixVWlhAJ4dKI9Q/viewform?c=0&w=1

STENBOL