Kanîreş û Çermê binê vewre de mendî

 

 

Qezayanê Kanîreş û Çermê yê Çewlîgî de varayîşê vewre cuya şarî ser o tesîrê pîlî keno. Tayê cayan de vewre di metrayan ra ravêrte û banî binê vewre de vînî bîyî.

Sey xeylî bajaranê bînan ê Kurdistanî Çewlîg de zî vewre tesîrê xo ramojnena.  Bitaybetî zî qezayanê Kanîreş û Çermê de tayê cayan de vewre di metreyan ra zêdêr a û şar nêeşkeno bananê xo ra vejîyo teber. Çewlîg de vewra tewr zêdî Kanîreş de varaya. Tayê keyeyî binê vewre de vînî bîyî. Hemwaltijî zaf zehmetîye ancenê.

Dewa Halîfanî ya Kanîreşî de serbanê  banêk rîyê vewre ra rîjîya. Wayîra keyeyî Emîne Îşleke bi hîrê qijanê xo ya wextê rijyayîşî de keye de nêbî, nê zî vernîya vînîkerdişê ganî girewt la banî de xesaro pîl esto. Hetê bînî ra Çermê de zî şar rîyê vewre ra tengayî anceno. Hemwelatijî destê înan de bi huyeyan vejîyenê teber. ÇEWLÎG