Îdîaya xokiştişî ya Zindanê Tîpa Tyî yê Amedî

Ame îdîakerdene ke 1. Zindanê Padaye yê Amedî de rayîrberîya zindanî zordestî bi hepsîyanê sîyasî û edlî kena û cok ra 13 hepsîyê edlî waştî ke xo bikişî.

Ame îdîakerdene ke 1. Zindanê Padaye yê Amedî de rayîrberîya zindanî zordestî bi hepsîyanê sîyasî û edlî kena û cok ra 13 hepsîyê edlî waştî ke xo bikişî. Hepsî dîyar kerdî ke rayîrberîya zindan xo bi xo raybazan kerdêne dewre û vatêne ganî şima heqaretê faşîzane bi hepsîyan bikerî.

Rayîrberîya zindan xeylê teda bi hepsîyan kena

Ame dîyarkerdene ke eynî wext de ferhengê kurdî yê hepsîyanê sîyasî înan ra yenî girewtiş û kitabê kurdî nêdîyenî hepsîyan. Sewbîna ame vatene ke kitab û romanê tirkî zî hetê mehkema ra ameyî qedexekerdene. Hepsî ardî ziwan ke rayîrberîya zindan xeylê teda bi hepsîyan kena.

Seba ke îkamet cîyayo nêeşkenî rayanê xo bierzî

Ame zanayene ke seba ke îkametê hepsîyan cîyayo nêeşkenî weçînayîşê herêmî de rayanê xo bixebetnî. Na rewşe vera xeylê zindanan de hepsîyî do nêeşkî rayanê xo bierzî.

13 hepsîyê edlî waştî ke xo bikişî

Ame vatene ke hêrişê hemverê hepsîyanê edlî resayo merheleyêka berz û cok ra 13 hepsîyê edlî waştî ke xo bikişî. Keyeyê hepsîyan na rewşe tesdîq kerdî. Sewbîna hepsî waştî ke no teda û hêrişê serê înan hetê medya ra bêro nîşandayene û vengê înan bêro eşnawitene. AMED