PAJKî mektubêk girewteyan û Leyla Guvene rê şawite

Merkezê Xeberan

“Vîste vîsta afernayişê tarîxî û bi xoverrodaayîşî demê xo afernayîş o. Wext o wexto ke bi nê nasnameyî vinetişê Kurdîtîye ramojnayîşê her û serkewtişî yo. Ca û waro ke faşîzm teslîmîyet û girewtîyîye ferz keno, adirê xoverrodayîş gur bîyo.”

Koordînasyonê PAJKî mektubêk bi sernameyê “Rayberê xoverrodayîşî; girewteyê azad yê PKK û PAJKî û hevala ma Leyla Guvene rê“ şawite. Mektube de ame vatene ke,  no demo ke ciwîyayîş biyo wişk, ameyox binê tehdîtî de yo, zulm û zordarîye her ca de bîyê vila û azadîye ya ameya çinkerdene ya ameya pûçkerdene de bê xoverrodayî sewbîn çîyêko bimana çin o.

Ma xover ro danîme seba ke dinyaya ma fekê çinbîyayîşî de ya û têkilîya merdimahîye sînorê qediyayîşî de ya. Ma xover ro danîme, seba ke şarî, bawerî,  cinî, ciwan û domanî binê tehdîdê qetilkerdiş, helênayîş û jenosîdî yê. Ma xover ro danîme,  seba ke PEYNÎ DO MEXTEŞEM BIBA Û MA DO SER BIKEWÊ. Hêvîya  naye ma hemeyan kena mîyanê coş û kelecanîye.”

Mektube de bale ancîyaye tecrîdkerdişê Rayberê Şarî Kurdî Abdullah Ocalanî ser û ame vatene ke vera dep û dolabanê nê sîstemê kolonyalîst û zulimkarî û tecrîdê serê Rayber Apoyî  yo ke rayberîya sîstemê alternatîfî keno,  nasnameyê merdîmê  azadî afernayo û rastîye de israr keno, vinetiş hedefê ma yo esasî û  bingeyê xoverrodayîş ma yo.

Grevê vêşanîye yo ke şexsê Leyla Guvene de dest pêkerdo,  nîşanê her kesî dayo ke ma esaretê Reyberîye qebûl nêkenîme û ma wina nêeşkenîme biciwîme û heta ke tecrîdkerdişê Rayberê ma biqedîyayo û Rayberê ma azad bibo ma do têkoşînê xo bidomnê. No têkoşîn do netîce bigo û ser bikewo.

Seba hedefanê girdan çalakîyan de ca girewtiş û bi mengan xo vêşan verdayîş mîrasê 14ê Temmuze  yo ke Mazlum, Kemal û Sarayan ra ma rê mende yo.Têkoşînê azadîye yê ma bi xoverdayîşê zîndanan felsefeyê heskerdişê cuye yo ke seba ci eşkeno bimire aferna. Şima nika nê felsefeyî, na xeta qehramanîye anê ca çalakîyêka wina birûmet û girde de ca genê. Têkoşînê ma reseno merdimanê azadîperweran ê Kurdistanî, Rojakewtena Mîyanêne û cîhanî. Reyna tersêko gird keweno zerrî zalim û komplogeran.

Domanê adir û rojî, xoverrodoxê Kurdistanî yê nameyê xo tarîxê Rojakewtena Mîyanêne  û cîhanî neqeşnayo, ê do rayîrê azadîya Rayberî abikerê. Şima bi vinetişê xo yê xoverrodayîşo ke bîyo terso tewr girdî yê celadan, tesîrê cîhanî kerd û vengê xo resna her kesî. Leyla û şima bi mîrasê têkoşînê azadîya cinîyan na meşale dewr girewte, şima rûmetê ma yê.”

Dikarî Biecibînî