Çolê Sahra de şopê medenîyetêko newe ame vînayene

Merkezê Xeberan

Arkeologî dîyar kerdî ke Çolê Sahra de raştê şopê medenîyetêko newe ameyo kerdene.

Goreyê xebera kovara Sputnikî yê Live Science, vîdeoyê uydî û fotografê ke hewa ra ameyî antene, bala koma zanyaran ya Unîversîteya East Anglia antî. Netîceyê kinitişan de awanîyê antîk ameyî vinayene. Awanîyê ke bi kerra ameyî viraştene şekîlê dayîre, tîkgoşe, aşme û sewbîna şekilanê cîya-cîyayan de yî. Tay awanîyî raşteyêko 630 metre de ameyî komkerdene. Nîno zanayene ke awanîyî seba çi û kamî wext ameyî viraştene. Labelê tay arkeologî dîyar kenî ke emrê nê awanîyan nizdîyê hezar û 500 serrî ra zêde yî.