Masegiro Fîlîpînî seba bextêko baş 10 serran binê cayê xo de încîyo 100 mîlyon dolarî nimit

Masegiro Fîlîpînî încîyo ke 10 serrî ra zêdeyo binê cayê xo de nimneno teslîmê şaredarî kerd. Eke bêro tesdîqkerdene ke încîyo 34 kîlo heqîqîyo do wayeyê ci 100 mîlyon dolarî ra zêde bibo.

Goreyê xebera sîteya herêmî ya Palawan Newsî, masegiro ke nameyê ci nêame aşkerakerdiş, wexto ke şîyo tepiştişê maseyan çîyêk kewto fekê çipayê kurneya ci û dima ra seba xelisnayîşê çipayî xo eşto mîyanê awe. Masegir awe de hîrayîya ci 30 santîmetre û dergîya ci zî 67 santîmetre ra încîyêk girg dîyo û veto. Ame vatene ke masegir seba ke derheqê wayeya încîyî de çîyêk nêzanayo, seba bextêko baş ci rê bîyaro încî kerdo binê cayê xo.

Goreyê malumatê herêmî masegir seba pêşnîyazkerdişî încî dayo kenaya xala xo ke wezîfedara turîzmî ya Aileen Cynthia Maggay-Amurao yî. încî nika awanîya şaredarî de camêkanêk de yeno peşwazîkerdiş. Rekorê încîyo tewr gird yê dinya yê binameyê Lao Tzu ke adaya Palawanî de 1939î de ame vînayîş o. Lao Tzu 6.4 kîlo bî û 2003î de ame aşkerakerdiş ke wayeya ci 93 mîlyon dolarî yo. FÎLÎPÎN