Polîsan rayîrşîyayîşê parlamenteranê HDPyî asteng kerd

Parlamenterê HDPyî Raşteyê Taksîmî de seba tecrîdî rayîrşîyayîş organîze kerdî. Polîsan raşte kerd binê abluqa û rayîrşîyayîşê  parlamenteran asteng kerd.

Parlamenterê Partîya Demokratîke ya Şaran (HDP) seba piştdayîşê çalakîya Hemsereka Kongreya Komela Demokratîke (KCD) û Parlamentera HDPyî ya Colemêrgî Leyla Guvene 96 rojî yo seba wedarnayîşê tecrîdkerdişê Rayberê PKKyî Abdullah Ocalanî grevê vêşanî de ya, Raşteyê Taksîmî ra heta Raşteyê Galatasarayî rayîrşîyayîş organîze kerdî. Verê rayîrşîyayîşî bi seyan polîsan Raşteyê Taksîmî kerdî binê abluqa û xeylê wesayîtê zirxî ameyî bicaakerdiş.

Eynî wextî de xeylê kuçeyê ke vejîyayêne Kuçeyê Îstîklalî zî bi wesayît û polîsan ameyê padayîş. Hemserekê Pêroyî yê HDPyî Pervîn Buldan û Sezaî Temellî zî jî mîyan de parlementerê HDPyî verê Otela Hîle ya Taskîmî de kom bîyî. Parlementeran dest bi rayşîyayîş kerd, la polîsan înan asteng kerd. Munaqeşe mabêne parlementer û polîsan de dewam keno.

Wezîrê Karê Zereyî Suleyman Soylu vizîr Anqara de kombîyayîşêk de parlementeranê HDPyî tehdîd kerdibî û fermanê astengkerdişê rayşîyayîşî dabî. STENBOL