Çewlîg de qoricîyêk qica 8 serrî remna

Çewlîg de qoricîyo Qilbeyij Muhammed Çamuka ke qica 8 serrî remnaye hetê polîsan ra yeno pawitene.

Çewlîg de 2 rojî cuwa ver qoricîyêk qica 8 serrî vernîya mekteba 100. yil Îlkogretîm Okulu ya mehleya Yenîşehîrî ra remna. Goreyê xebera Ajansa Çewlîgî, qica 8 serrî vernîya mekteba 100. yil Îlkogretîm Okulu ya mehleya Yenîşehîrî ya Çewlîgî ra bi wesayîtê sîyayî ameye remnayene. Hemwelatijanê ke remnayîş dî xebere daye keyeyê ci. Kamerayanê verê mektebe ra ame tesbîtkerdene ke kênaya qice hetê qoricîyê dewa  Qilbeyî, Muhammed Çamuka ra ameya remnayene. Çamuka ke îrtîbatê ci bi polîsan esto, polîsan ra vat ke o qica ke remnaya mehleya Uydukentî de do vera bido. Naye ser a keyeyê qica remnayîye kênaya xo mehleya Uydukentî ra girewt berde nêweşxane. Polîsan Çamuka rê paştgêrîye kerde, ey dima nêkewtî. Qoricî Muhammed Çamuka yo 25 serre û zewijnaye yo ke sey MHP’yijî yeno zanayene,  rixmo ke qica 8 serrî  remnaya nika serbest gêreno. Yeno vatene ke Çamuka bi paştîdayîşê dewlete remayo, şiyo Gurcîstan. ÇEWLÎG