Weşanxaneyê Mezopotamya û Mîr Muzîk ameyî qedexekerdene!

Polîsanê Almanî eşt Weşanxaneyê Mezopotamya û Mîr Muzîkî ser. Wezîrîya Kare Zereyî yê Almanya da zanayene ke her di sazîyê kultur-hunerî ameyî qedexekerdene.

Almanya de zextê serê Kurdan dewam keno. Bajarê Neussî yê Almanya de ewro saetanê serê sibayî de polîsan reyna sazîyê Kurdan hedef gitewtî. Weşanxaneyê Mezopotamya û Mîr Muzîk yê ke bitaybetî par ra  hedefê polîsan de yê ewro reyna polîsan eşt nînan ser. Bi talîmatê Wezîrê Karê Zerî yê Almanya Horst Seehoferî di sazîyê kultur-hunerî yê muhîmî yê Kurdan Weşanxaneyê Mezopotamya û Mîr Muzîk ameyî qedexekerdene.

Wezîrîya Kare Zereyî derheqê qedexeyî de eşkerayîyêk daye û îddîa kerd ke  Weşanxaneyê Mezopotamya û Mîr Muzîk pabesteyê PKKyî yê û coka ameyî qedexekerdene. Weşanxaneyê Mezopotamya û Mîr Muzîk yê ke bajarê Neussî de yê 8ê  Adare ya 2028î de raştê sereştişê polîsan ameyîbî û her di sazîyan de zî 3 rojî cigêrayîşî ameyîbî viraştene û dest nîya bi xeylî kitab û albumê muxîkî, arşîv û cîhazanê qeydî ser a. BERLÎN

Dikarî Biecibînî