aram

Yoldaş: Ganî her kes wayîr xoverdayîşê Guvene bivejîyo

Endamê Konseya Rayberdişî ya HBDHyî Tekîn Yoldaşî bale ant xoverdayîşanê grevê vêşanîye ser û va ganî kedka, karker û bindestê Tirkîya wayîrê grevanê vêşanîye bivejîyê.

Endamê Konseya Rayberdişî yê Têgêrayîşê Yewîya Şorişgêre yê Şarî, Tekîn Yoldaşî derheqê xoverdayîşanê grevê vêşanîye de qisey kerd.

Yoldaşî vist vîrî ke grevê vêşanîye yê ke bi serkeşîya Leyla Guvene ameyî  destpêkerdene, roje bi roje benê vila û xoverdayîş her ke şono beno pîl û va: “Şîarê çalakîya Leyla Guvene, şîarê  karker,kedkar û şaranê bindestan ê Tirkîya yo. Tirkîya de her kesî rê zulm yeno kerdene. No zulm û zordarîye ver, ganî her kes tê bigêro û wayîrê xoverdayîşî bivejîyo. Guvene wazena ke  tecrîd bêro wedaritene û girewteyê sîyasîyî azad bibê. Wayîrvejîyayîşê nê xoverdayîşî wazîfeyê her kesî yo.” BEHDÎNAN