Edene de 13 kes serbest ameyî veradayene

Edene de 13 kesê ke bi mehneya parekerdişê medyaya komelkî vera ameybî tepiştene, badê ke sewqê mehkema ameyî kerdene serbest ameyî veradayene.

Çarçeweya tehqîqatê Serdozgerîya Komarî ya Edene de, sereştişê keyeyan yê 14ê Sibate de 24 kesê ke zafê înan doman bî ameybî tepiştene. 24 kesan ra 13ê ci sewqê Mehkema ameyî kerdene. 13 kesê ke îfade dayî dozgerî, bi mehneya parekerdişê medyaya komelkî û îdîaya ‘propagandaya rêxistine kerdî’ sewqê Mehkemaya Cezaya Sulhî ameyî kerdene. 13 kesê ke îfade dayî mehkema bi şertê konrolê edlî serbest ameyî veradayene.

Tehqîqatê 11 kesê ke Mudirîya Polîsan de binê çiman de yî zî dewam keno.  EDENE