aram

Maya Şemeyî Baskine wefat kerd

Mayê Şemeyî ê ke semedê girewtişê cenazayanê qijanê xo yê ke hetê dewlete ra ameyî qetilkerdene û cezakerdişê qetilkaranê înan bi serran no mucadele kenî, nînan ra Meryem Baskine ewro wefat kerd.

Meryem Baskina ke bi serrano semedê cazakerdişê qetilkaranê  lajê xo Abdullmecît Baskin yo ke wexto ke Enqere de Mudurê Nufusî bi serra 1993ê de  nezarat de hetê dewlete ra ame qetilkerdene, mucadele kena, wefat kerd. Meryem Baskina ke xeylî wexto ke rîyê nêweşîye ra nêweşxaneyêkê taybetî yê Wanî de tedawî dîyêne, ewro saetanê sibayî de wefat kerd. Baskine do Gevera Colemêrgî de bêro definkerdene.

Mayanê Şemeyî ra Berfo Kirbayire, Fatma Morsumbule, Zeynep Guneye, Kîraz Şahîne, Cevrîye Altunbaşe, Meryem Bulute, Fatîme Taşkaya, Kesîre Demîre, Makbule Babaoglu, Zunetî Turkoglu, Fîncan Bîlgîne, Koçerî Kurte, Hatîce Ozturke, Asîye Karakoçe, Hedîye Coşkune, Asîye Dogene û Şahsenem Cîhane zî  cigêrayîşê edaletî de wefat kerd û esteyanê qiJanê xo rê hesret mendî. WAN