aram

Ganî goş bidîyo waştişê mîlyonan

Nedîm Yildirimî, birayê Cesîm Yildirimî ke seba wedarnayîşê tecrîdî grevê vêşanîye yê bêdem û bêagêrayîşî de yo va: “Bi mîlyonan kesî vengê xo berz kenî. Ganî tecrîd wedarîyo.”

Seba tecrîdkerdişê Rayberê PKKyî Abdullah Ocalanî peynî bibo, bi serkêşîya hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene çalakîya grevê vêşanîye dest pêkerd. Guvene 108 rojî yo ke grevê vêşanîye de ya. Sewbîna 317 hepsîyê sîyasî zî grevê vêşanîye yê bêdem û anêgêrayîşî de yî.

Nê hepsîyan ra yew zî Cesîm Yildirimo ke 5ê çeleyî de Zindanê Tîpa Lyî yê Maltepe de dest bi grevî kerdbî yo. Yildirimî bi rayîrê telefonî birayê xo Nedîm Yildirimî reyde qisey kerd û va: “Seba ke tecrîd peynî bibo, ma kewtî grev. Heta ke tecrîd peynî nêbo çalakîya ma do dewam bikera. Tecrîdkerdişê Ocalanî reyde pêroyê şarê kurd yeno tecrîdkerdiş.”

Nedîm Yildirimî zî qiseykerdişê xo de va: “Hema zî baş veng nêameyo berzkerdiş. Waştişê hepsîyan waştişê ma yo. Ganî goş bidîyo waştişê mîlyonan. Ganî tecrîd wedarîyo. Ma nêwazenî kesêk bimiro. Nika bi mîlyonan kesî vengê xo berz kenî. Ganî goş bidîyo nê vengî. Tena Strenbol de 3 mîlyon kurdî estî. Eke pêro pîya vengê xo berz bikerî, dewlete mecbur manena ke goş bida waştişê hepsîyan. 317 hepsî grevê vêşanîye de yî û weşîya înan tehluke de ya.” STENBOL

STENBOL