aram

Rayberîya Zîndanî keyeyan gêra: Wa domanê şima fek grev ra vera bidî

Rayberîya Zîndanê Cinîyan ya Gebze keyeyanê çalakgeran Ozlem Soyler û Ruhşan Bozana ke 70 rojî yo grevê vêşanîye de yî gêra û va: “Weşîya domananê şima xirab a. Domananê xo îqna bikerên wa fek çalakî ra vera bidî.”

Hepsîyê PKKyî û PAJKî ke 27ê Teşrîna peyêne de dest bi grevê vêşanîye kerdî, 16ê Kanûne de tewrê koma yewin yê 35 kesan grevê xo açarnayî yê bêdem û anêgêrayîşî. Çalakîya koma yewin ke 35 kesan rap ê yena kewt roja 70. Nika 62 zindanan de pêropîya 317 hepsîyê PKK û PAJKî grevê vêşanîye yê bêdem û anêgêrayîşî de yî. Çalakîya hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene zî roja 108. xo dima vera daye.

Zîndanê Cinîyan yê Gebze de zî 16ê Kanûna 2018î de Ozlem Soyler û Ruhşan Bozane dest bi grevê vêşanîye kerdbî û 70 rojî yo ke grev de yî. Rayberîya Zîndanê Cinîyan ya Gebze bi rayîrê telefonî keyeyê çalakgeranê grevê vêşanîye Ozlem Soyler û Ruhşan Bozane gêra û va: “Weşîya domananê şima xirab a. Domananê xo îqna bikerên wa fek çalakî ra vera bidî.”

Hepsîyî zî bi rayîrê keyeyan mesaj erşawitî û dîyar kerdî ke ê 70 rojî yo ke grev de yî, cok ra bêhalî û teqetî bibo zî normal o. Hepsîyan dayî zanayene ke vîşêrê nê çîyan weşîya înan baş a. KOCAELÎ