aram

Parlamentero Swêdij vera tecrîdî dest bi grevê vêşanîye keno

Parlamenterê Partîya Çepe ya Swêdî Danîel Rîazatî da zanayanê ke semedê paştdayîşê Leyla Guvene û xoverdayoxanê zîndanan ê ke vera tecrîdê serê Ocalanî grevê vêşanîye de yê, o zî Parlamentoyê Swêdî de do dest bi grevê vêşanîye bikero.

Parlamenterê Partîya Çepe ya Swêdî Danîel Rîazatî çapemenî rê eşkera kerde ke o semedê paştîdayîşê Leyla Guvene û xoverdayoxanê bînan ê grevê vêşanîye do dest bi girevê vêşanîye bikero. Eşkerayîye de ame vatene ke tena waştişêkê xoverdayoxanê grevê vêşanîye esto o zî  hêrişê dewleta Tirkî yê vera Kurdan bêrê qedînayene û tecrîdê serê Rayberê PKKyî Abdullah Ocalanî bêro wedartene.

Rîazatî da zanayene ke 1ê Adare de do heme zîndanan ê Tirkîya de grevê vêşanîye dest pêbikerî û va: “Ez zî semedê waştişê grevê veşanîye bêro ca, paşt danê înan û seba 3 rojan dest bi grevê vêşanîye kena.”

Endama Heyetê Îdareyê Forûmê Mîyanneteweyî ya Çepî Yekbûn Alpe zî  bi Rîazatî do dest bi grevê vêşanîye bikero. Riazat ewro saet 16.00 de  parlamento de bi eşkerayîyêka çapamenîye do dest bi çalakîye bikero û bado zî Merkezê Cimatê Kurdî yê Demokratîkî de çalakîya xo bidomno. STOCKHOLM