aram

Hepsîyo ke serbest ame veradayîş: Çalakger wazenê ke şar vengê înan berz bikero

Azîz Şîmdîyo ke serbest ame veradayîş û 5 Çeleyî ra nata Zindanê Tîpa Eyî yê Mêrdînî de grevê vêşanîye yê bêdem û anêgêrayîşî de yo dîyar kerd ke 9 çalakgerê ke zindan de yî şar silam kerdî û va: “Çalakger wazenê ke şar vengê înan berz bikero. Seba ke qedîyayîşê tecrîdî ganî her kes çîyo ke keweno serê milê ci biyaro ca.

Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî dest pê kerdbî, kewte roja 117. 9 hepsîyê cinî yê Zindanê Tîpa Eyî yê Mêrdînî 5ê Çeleyî de seba eynî taleban dest bi grevê vêşanîye yê bêdem û anêgêrayîşî kerdî. 1ê Adare de zî pêroyê zindananê herêm û Tirkîye de hepsîyê doza PKK û PAJKî dest bi grevê vêşanîye yê bêdem û anêgêrayîşî kerdî.

Azîz Şîmdîyo ke 8 aşman Zindanê Tîpa Eyî yê Mêrdînî de mend û 2ê Adare de zî serbest ame veradayîş bale ant rewşa hepsîyanê grevê vêşanşye ser û va: “Rewşa hepsîyan baş bî. Labelê aye wext. Silamê înan rayapêroyî rê estbî. Hepsî bi hêz û qerardar bî. Çalakîya xo dewam kerdêne. Labelê grevê vêşanîye vera kîlo dayêne. Êdî dej kewtêne sereyê înan. Bi mehneyanê cîya-cîyayan kitaban nêdayêne hepsîyan. Hepsî waştî ke şar vengê înan berz bikero û seba şiknayîşê tecrîdê serê Rayberê PKKyî Abdullah Ocalanî ganî her kesan çi keweno serê milê înan Seba biyaro ca. Moral û motivasyonê hepsîyan baş bî.” MÊRDÎN