Gerîlayê YJA Starî 8ê Adare pîroz kerdî

 

 

 

Wareyê Pawitişî yê Medya de 8ê Adare ameye pîrozkerdene. Fermandaranê YJA Starî ra Tekoşîn Toprake zî tewrê pîrozkerdişî bîyî

8ê Adare Roja Cinîyan a Mîyanneteweyîye koyanê Kurdistanî de bi tewrbîyayîşê desan gerîlayan ameye pîrozkerdene. Fermandaranê YJA Starî ra Tekoşîn Toprake, Eylem Ronî, Sureç Zagrose, Rojda Sêrt û Şevîn Mardîne zî tewrê aktîvîteyî bîyî.

Tekoşîn Toprake roja cinîyan pîroz kerde û vat ke na roje semedê ma hem roja vîrardiş, hem pîrozkerdiş û hem zî roja xurtkerdişê mucadeleyî ya. Tekoşîne vist vîrî ke tecrîdê serê Rayberê Şarê Kurdî Abdullah Ocalanî yeno domnayene û vera nê xoverdayîşêko tarîxî esto û va: “Ruhê xoverdayîşê Sema Yuce, Sakîne Cansize û Mazlûm Doganan ewro bi ruhê 8ê Adare şexsê Leyla Guvene û  Nasir Yagizî de dewam keno. Ma cinîyî yê ke koyan de  semedê nasnanmeyê cinîya azade mucadeleyê gerîla danê, ma sozê serkewtişî danê heme cinîyan ê xoverdayoxan. Ma do faşîzmî birijnê û tecrîd bişiknê.”

Qiseykerdiş ra dima gerîlayanê azadîye yê Kurdistanî adir na ta û bi deyîran dormeyê adirî de govend girewt. Gerîlayanê YJA Starî derheqê 8ê Adare de nê vatî:

Evîn Zîlane: Koyanê Kurdistanî de pîrozkerdişê na roje semedê mi zaf muhîm o. Şexsê Leyla Guven a ke çalakîya vera tecrîdî rê serkeşîye kena, roja heme cinîyan pîroz kena.

Sureç Zagrose: Rayber Apo û şehîdanê ma na roje ma rê zaf kerde bimana. Vera faşîzmî xoverdayîşê ciniyam zaf muhîm o.

Serhildan Cane û Sterk Amede: Ma Mayanê Aşitîye û heme mayan rê spas kenî. Seba ke ma na roje koyan de pîroz kenê, ma rê hîna zaf bimana ya.

Mîrkan Karkere: Ez xoverdayîşê cinîyan ra hêzê girdî gêna. PKK partîyêka cinîyan a. Cinîyanê Kurdan Rojawan de şoriş kerd, vera faşîzmî xover dayo û rayverîyê girdî kerdî.

Nûjîn Bagoke: Ez gerîlayêka newe ya û reya verên a ke ez 8ê Adare pîroz kena. BEHDÎNAN