Kanîreşî û Çêrme de reyna vewre vara

Esmer Çewlîg û pêroyê Kurdistanî de zimistanêko şîdetin derbaz beno û varayîşê vewre reyna dest pêkerd

Zimistan tesîrê xo zêdîneno û varayîşê vewre reyna dest pêkerd. Emserr cayê ke tewr zêde vewre varayî ra yew zî bajarê Çewlîgî û qezayanê ci yo. Qezayanê Kanîreşî û Çêrme yê Çewlîgî de vewre 2 metreyan derbaz kerde. Varayîşê vewre saetanê serê sibayî de dest pêkerd û wextêko kilm de heme cayan kerde sipî. Hemwelatîyê ke bi vewre dest bi roje kerdî, dest bi pakîya wesayît, dormeyê keye, cayê kar û serê bananê xo kerdî. Domnayîşê vewre hemwelatîyan kerd kengî û seba germbîyayîşê mesrefêko zêde herc kenî.

Qezaya Kanîreşî ya Çewlîgî de varayîşê vewra zêde vera badê nîmerojî mektebî padîyayî. Qeza de varayîşê vewre û pukî vera kes nêeşkeno bivejîyo teber û rayîr şêro. Sewbîna 55 kesê ke şîyêne dewa Çatma ya qezaya Azarpêrtî zî de rayîr de mendî. ÇEWLÎG